Airsoft.mn

Энэ бол 18аас дээш насны хүүхдэд зориулсан спорт тоглоом. Олон улсад хүлээн зөвшөөрөгдсөн уг спорт нь анх 1980аад онд Япон улсад үүссэн бөгөөд АНУлсад дэлгэрч дэлхий даяар тархжээ. Өнөөдөр бидний танилцуулах буу airsoft төрлийн буунаас хамгийн түгээмэл ангилал болох Airsoft Electic Gun буюу Эйрсофтын Цахилгаан Буу юм.

Airsoft Electric Gun (үүнээс хойш AEG гэж бичнэ) бол 8.4V 9.2V 1500MAh хүчтэй баттерэйгаар тэжээл авч хурдтай мотор gearbox-ийн хүчээр 6mm BB сумаар 90м/сек орчим хурдтайгаар буудлага хийдэг. За ингээд хэлхээр ойлгох хүн бараг байхгүй биз. Дэлгэрэнгүй танилцуулан мэдлэгийнхээ хэрээр сийрүүлэн бичье.

Буу бүрийн гадна загвар өөр боловч дотоод загвар нэгэн ижил байдаг. Gearbox, гол төмөр, магазин, Motor, Blow Back(бүх буунд байдаггүй) Эйрсофт буунд тийм ч их зүйл байдаггүй ч бүгд техник гэдэг утгаараа өөрийн гэсэн үүрэгтэй.

Gearbox. Энэ бол хөдөлгүүр, бууны сумыг цохиж гаргаж байгаа зүйл. Доорх зурагнаас та бараг ойлгох байх. Тэр хар, улаан 2 утас нь яваад баттерэйтэй холбогдож байгаа юм. Гох дарах үед гүйдэл гүйж моторыг ажиллуулна. (Доогуураа чирнелийн ягаантай хар том зүйл бол мотор) Ингээд араануудад эргэлт үүсч эхний шүд сумыг тээглүүлж байсан голдоо салхи гаргах нүхтэй тээглүүрийг хойш нь татаж сумыг өөрийнхөө урд авчирхана. Энэ үед поршин гаднаас агаар сорон авч буцаж тавигдахдаа агаараар үлээн сумаа гаргаж байгаа юм. Энэ бүхэн ердөө секунд ч хүрэхгүй хугацаанд болж өнгөрөх ба Full-fire горим дээр тавьж шүршисэн ч энэ горимоор буудалт хийдэг байна. http://www.airsoftpedia.es/index.php/Gearbox

Motor. Энэ нь дээрх 3н арааг ажиллагаанд оруулах зүйл юм. Алсын удирдлагатай RC машинд ч байдаг, гэхдээ мэдээж буунд ашиглаж байгаагаас хүч султай. Моторнуудын үйлчлэх хүч болон найдвартай ажиллагаагаар нь жагсаасан загсаалт байсан маань миний компьютер дээрээс олдоогүй ээ. Жоохон харамсалтай, гэхдээ дэлхий No.1 мотор бол Systema юм шүү.


Эрхэм уншигч та AEG авах гэж байгаа бол бүх зүйлийг нь нарийн судлах хэрэгтэй ба Gearbox motor нь Systema байвал тун сайн. Ихэвчлэн хамт зарагддаг ба тусад нь авч солиж хийсэн ч бас болно шүү дээ.




Гол төмөр. Ерөнхийдөө barrel гэдэг ба энэ нь нээх олон сонголтгүй, дотор тал нь маш гөлгөр, толигор байх ёстой. 6мм-ээс илүүчгүй дутуучгүй байна. Ер нь худалдан авсан бууныг зөрнө гэж байхгүй дээ.
Магазин. Airsoft бууны магазин галт зэвсэгийнхээс шал өөр. High-Cap (Их хэмжээний багтаамтай High Capacity) Mid-Cap (дундаж хэмжээний багтаамжтай Middle Capacity) Low-Cap (Бага хэмжээний багтаамжтай Low Capacity)
High-Cap. Ойролцоогоор 300 орчим сум ордог, дуу чимээ ихтэй, үнэмшилтэй биш, олон ширхэг магазиний оронд хэрэглэж болно.
Mid-Cap. Ойролцоогоор 100 орчим сум ордог, дээрхийг бодвол илүү үнэмшилтэй
Low-Cap. Ойролцоогоор 50-70 орчим сум ордог, энэ нь магазиний бүтцээс хамаарна. Дээд зэргийн үнэмшилтэй ба ямар ч илүү чимээгүй.

High-Cap. Бүтцийн хувьд дээр байрлах тагтай нүхрүү сумаа асган хийж эргүүлгэ хийн дээш шахаж өгдөг. Сул байгаа сумнууд гүйх, хөдлөх үед шаг шаг хийсэн чимээ гарган тоглогчийг баригдуухал нь элбэг. Мөн тоглож байх үедээ доор байх эргүүлэгийг эргүүлж сумаа дээш шахаж байхгүй бол гол төмөрт сум хүрхээ байж хоосон буудаж эхлэн цаг алдуулна.

Low-Cap. Бүтцийн хувьд сумаа 1 1ээр доош хийхэд буудах үед доор байрлах пүрш нь сумыг дээш шахан өгдөг. Өөрөөр хэлбэл яг л жинхэнэ юм шиг үйлдэлтэй гэсэн үг. Бүх сум хоорондоо наалдаастай учир ямар ч илүү шаг шаг хийсэн чимээ гарахгүй гэсэн үг.

Бүх airsoft магазин сум алддаг. Тэр нь юу вэ? гэхээр магазиний хоолойноос бууны barrel хүртэлх зайд 4 юм уу 5 сум үлдсэн байдаг доороос шахах сумгүй учир тэр 4, 5 сум магазин тайлах үед газар унан байнга гээгддэг. Хэрэв гол төмрөнд сум байсан бол 5 сумгүй байсан бол 4 сум үлдэнэ. Тэгэхээр тоглогч магазин солих үед унасан сумыг харан сум дуусаагүй байна гэж бодох хэрэггүй байгаа биз...
Энэ зурагнаас бүх зүйлс тодорхой харагдаж байна уу? Энэ нийтлэлийг уншихаас өмнө дөнгөж анхлан сонирхож байгаа та юу ч ойлгохгүй байсан биз. Motor, Gearbox, High-Cap магазин гээд бүгд тодорхой харагдаж байгаа биз.

За ингээд нийтлэлээ өндөрлье, Монголын Эйрсофтын Холбооноос МУБИС-ийн ойролцоо эйрсофт буудлагын секц хичээллэх гэж байгаа гэсэн шум гараад байгаа. Хэрэв сургалт эхэлбэл энэ талаар сайтар зааж өгнө биз. Гэхдээ би ч бас дутхааргүй ойлгуулсан гэж бодож байна. Бас facebook дээр airsoft, paintball, practical shooting гээд бүх төрлийн буудлагын спортоор хичээллэгч, сонирхогчдын грүпп нээгдсэн байгаа. www.facebook.com/groups/ShooterForum/ бидэнтэй нэгдэн өөрийн санал бодлоо хуваалцаж, мэдээлэл солилцож байхыг хүсвэл Shooter Forum-д нэгдээрэй..